ياترثت اللي حاكمين الجزيره
ياجوهره بين المعادن تلالي
حنا بني وايل عذاب المغيره
وحنا هل الطولات في كل عالي
دنا العرب في معركتنا الشهيره
مع اليماني يوم قطف الرجالي
لولا جدودك والسيوف الشطيره
ماكان باقي للعرب أي تالي
كفي دموعك واضحكي يالاميره
محد مدح من يسبقه بالعوالي
شيٍ طبيعي دافعه زود غيره
الوايلي مبطي يروم المعالي
مدحٍ بحق ولانكبر صغيره
وادرى عن الكلمه عليها سؤالي
كم فارس منا افعاله شهيره
وكم مرة حنا قطفنا الرجالي
طلعاتنا بالمجد حلوه وكثيره
وحنا اسود البر بأول وتالي
من يدرس التاريخ يلقى مصيره
يسجله وايل بدم الرجالي
للشاعر/ عبدالعزيز بن فرحان العنزي
(( عبدالعزيز الدوامي ))
